tamilcine

துப்பாக்கி ரீமேக்கில் கெஸ்ட் ரோலில் நடிக்கிறாராம் விஜய். தமிழில் சுக்கிரன், பந்தயம் போன்ற படங்களிலும், இந்தியில் பிரபுதேவாவின் இயக்கத்தில் அக்ஷய் குமார் நடித்த ‘ரவுடி ரத்தோர்’என்ற படத்தில் ஒரு பாடலில் தோன்றி நடனமாடியிருக்கும் விஜய், தற்போது மீண்டும் அக்ஷய் குமாருடன் ஒரு படத்தில் இணைகிறார்.

மீண்டும் மலையாள கரையோரம் கால்பதித்துள்ளார் லட்சுமி மேனன். இப்போது தமிழில் முன்னணி நடிகையாக திகழ்ந்து வரும் லட்சுமி மேனன், நடிகையாக அறிமுகமானது வினயன் இயக்கிய ‘ரகுவின்டெ சொந்தம் ரசியா’ என்ற மலையாள படம் மூலம்தான்

. இந்த படத்தைத் தொடர்ந்து பிரபு சாலமன் இயக்கிய ‘கும்கி’ படத்தின் மூலம் தமிழில் அறிமுகமாகிய லட்சுமி மேனனுக்கு பிறகு தமிழில் ஏறு முகம்தான். தற்போது சித்தார்த்துடன் ‘ஜிகர்தண்டா, விமல் கூட ‘மஞ்சப்பை’, கௌதம் கார்த்திக் கூட ‘சிப்பாய்’ விஷாலுடன் ‘நான் சிகப்பு மனிதன்’ என பல படங்களில் நடித்து வரும் லட்சுமி மேனன் அடுத்து மலையாளத்தின் முன்னணி நடிகர்களில் ஒருவரான திலீபுடனும் ஜோடி சேர இருக்கிறார். மலையாளத்தின் பிரபல இயக்குனரும், தமிழில் ஏர்போர்ட் படத்தை இயக்கியவருமான ஜோஷி இயக்கும் படத்தில் தான் இருவரும் ஜோடி சேர்ந்து நடிக்க இருக்கிறார்கள்.

தெலுங்கை போல தமிழிலும் கவர்ச்சி காட்ட முடிவுசெய்துள்ளாராம் சமந்தா. தெலுங்கு சினிமா ரசிகர்களின் மனம் கவர்ந்த நாயகியாக திகழும் சமந்தா, கடந்த ஆண்டை விட,இந்த ஆண்டு, இன்னும் கூடுதலான படங்களில் கமிட்டாகி படு பிசியாகி விட்டார்

. தமிழ் சினிமாவையும் தன் கட்டுப்பாட்டிற்குள் கொண்டு வந்து விட வேண்டும் என்பதற்காக, கோடம்பாக்கத்தில் முகாமிட்டு, பட வேட்டை நடத்தினார். இதற்கு, அவருக்கு பலன் கிடைத்தது.உட்பட,முன்னணி நடிகர்கள் நடிக்கும் படங்களின் வாய்ப்பு, அவருக்கு கிடைத்துள்ளது. இதையடுத்து, குடும்ப பாங்கான வேடங்களில் நடித்தால், வேலைக்கு ஆகாது என்ற முடிவுடன், தெலுங்கை போல, தமிழிலும், கவர்ச்சியில் அதிரடியாக நடிக்கவும் முடிவு செய்துள்ளாராம். சமந்தாவின் இந்த அதிரடி பிரவேசம் கோடம்பாக்க நடிகைகள் மத்தியில் அதிர்ச்சியை ஏற்படுத்தியுள்ளது.

ஷங்கர் இயக்கத்தில் அஜித் நடிக்க இருப்பதாக தகவல்கள் வெளியாகியுள்ளன. 'வீர்ம்' படத்துக்குப் பிறகு கௌதம் மேனன் இயக்கும் படத்தில் அஜித் நடிக்க அவருக்கு ஜோடி போடுகிறார் அனுஷ்கா. இதையடுத்து, கே.வி. ஆனந்த் இயக்கத்தில் அஜித் நடிப்பார் என்ற எதிர்பார்ப்பு இருந்தது. ஆனால், ஷங்கர் இயக்கத்தில் அஜித் நடிக்கப் போகிறாராம். ஷங்கர், ரஜினிக்கு ஒரு கதையைச் சொல்லியிருக்கிறார். கதை கேட்ட ரஜினி ' நன்றாக இருக்கிறது.

 அஜித் நடித்தால் நன்றாக இருக்கும் என்று சொல்லியிருக்கிறார். ரஜினி சொன்னதால் அஜித், ஷங்கர் இயக்கத்தில் நடிக்க உடனே ஓ.கே. சொல்லிவிட்டாராம். டிசம்பர் மாதத்தில் படப்பிடிப்பு தொடங்கவுள்ளது. இதற்கான அதிகாரப்பூர்வ அறிவிப்பு ஏப்ரல் 14ம் திகதி வெளியிடப்படும் என்று கோடம்பாக்க வட்டாரங்கள் தகவல்கள் தெரிவிக்கின்றன.

சூப்பர் ஸ்டார் ரஜினியின் கோச்சடையான் திரைப்படம் வரும் ஏப்ரல் 11ம் திகதி உலகெங்கும் வெளியாகிறது.

மீடியா ஒன் குளோபல் நிறுவனம் தயாரிப்பில் சவுந்தர்யா ரஜினிகாந்த் அஸ்வின் இயக்கத்தில் உருவாகியுள்ள சூப்பர் ஸ்டார் ரஜினிகாந்தின் பிரமாண்ட அதி நவீன திரைப்படமான கோச்சடையான் வரும் ஏப்ரல் 11-ம் தேதி உலகெங்கும் வெளியாகிறது என்பதை ஈராஸ் நிறுவனம் பெருமையுடன் அறிவித்துள்ளது.

கோச்சடையான் உலக அளவில் அவதார், டின்டின் படங்களுக்குப் பிறகு போட்டோரியலிஸ்டிக் பர்பார்மென்ஸ் கேப்சர் டெக்னாலஜி முறையில் தயாராகும் மூன்றாவது படம் கோச்சடையான்.

நன்மைக்கும், தீமைக்கும் இடையில் நடக்கும் பிரமாண்ட யுத்தமான கோச்சடையானில் இந்தியாவின் மெகா சூப்பர் ஸ்டார் ரஜினிகாந்த் இரட்டை வேடங்களில் நடித்துள்ளார்.

தீபிகா படுகோன் அவருக்கு ஜோடியாக நடித்துள்ளார். சரத்குமார், ஆதி, நாசர், ஷோபனா, ருக்மிணி உள்ளிட்டோர் நடித்துள்ளனர். ஆஸ்கர், கோல்டன் குளோப், பாஃப்டா விருதுகள் வென்ற ஏ.ஆர்.ரஹ்மான் இந்தப் படத்துக்கு இசையமைத்துள்ளார்.

இந்தப் படத்தை வெளியிடுவது குறித்து ஈராஸ் நிறுவன நிர்வாக இயக்குனர் சுனில் லுல்லா கூறுகையில், "சூப்பர் ஸ்டார் ரஜினியின் கோச்சடையானை வெளியிடுவதில் ஈராஸ் பெருமை கொள்கிறது. இந்தப் படம் உலக சினிமாவில் புதிய சாதனை படைக்கும் என்று குறிப்பிட்டுள்ளார்.